Kledi është tornitor në një repart metalpunues, ku realizohet i gjithë procesi i prodhimit të një detali. Kledi përkujdeset dhe mirëmban veglat e punës, pajisjet dhe makinat metalpunuese, ashtu sikurse edhe ambientin e punës. Ai tregohet gjithmonë i vëmendshëm në zbatimin e rregullave të punës, standardeve të sigurisë dhe rregullave të mbrojtjes së mjedisit.

Mbikqyrësi i tij, i cili është inxhinier mekanik, i dorëzon porosinë e rradhës, e cila duhet të jetë gati brenda katër orëve. Kledi duhet të ndërtojë një detal të njëjtë me detalin e dëmtuar, që i dorëzoi inxhinieri. Ndërkohë që bën matje të detalit, ai skicon detalin me kujdes duke përdorur përmasat e duhura. Pasi mbaron skicën, ai konsultohet me inxhinierin, i cili e udhëzon për hapat e rradhës.

Kledi përzgjedh materialin metalik dhe mjetet e punës dhe llon procesin sipas skicës. Hapi i parë realizohet me ndihmën e makinës tornuese. Herë pas here, ai e ndërpret procesin për të bërë kontrollin e përmasave, rrjedhimisht për t’i qëndruar korrekt zbatimit me përpikmëri të skicës. Për të përmbyllur procesin e punimit të detalit, Kledi përdor makinën retikuese për të realizuar detajet më të vështira.

Inxhinieri surprizohet me punën e shkëlqyer të Kledit. Ai ka besim se ai do të fitojë titullin “Punonjësi i muajit” këtë herë.