Gloria kontrollon numrin e klientëve që do të vijnë sot në hotel si edhe numrin e klientëve që do të largohen. Ndërkohë, ajo i përgjigjet telefonatave të shumta që merr ose klientëve që i drejtohen për kërkesa të ndryshme.

Gloria merr një telefonatë nga një klient i rregullt nga Roma. Ai flet anglisht dhe dëshiron të rezervojë një dhomë. Gloria e pyet nëse dëshiron një dhomë biznesi si zakonisht dhe e bën rezervimin në kompjuter, e më pas i dërgon një konfirmim me e-mail.

Disa klientë të hotelit duan të dinë se ku shërbehet mëngjesi. Gloria i tregon se si të shkojnë në sallën ku shërbehet mëngjesi, i pyet nëse kanë fjetur mirë dhe me shumë mirësjellje i uron një ditë të këndshme.

Pasi mbaron çregjistrimin e të gjithë klientëve në sistem, Gloria komunikon me kolegët për t’u siguruar që shërbimet e tjera kanë përfunduar, si për shembull pastrimi i dhomave, përgatitja e vaktit dhe guida turistike. Menaxherja e hotelit e përgëzon Glorian për punën e mirë dhe së bashku plotësojnë të dhënat e klientëve të ri në programin e recepsionit.